निवडणुका जवळ आल्या की आपल्या राजकारणातील ‘आयातीत’ आणि ‘हंगामी’ निष्ठावंतांची उड्डाणे सुरू होतात. जनतेच्या सेवेचा आव आणून वर्षानुवर्षे एका पक्षात राहिलेले नेते, तिकीट मिळण्याची शक्यता धूसर दिसताच काही सेकंदात जुना निष्ठावान झेंडा फेकून देतात आणि नव्या पक्षाचा हात हातात घेतात. यांच्यासाठी तत्त्वे आणि विचार म्हणजे निव्वळ निवडणुकीच्या बाजारात विकायला ठेवलेला माल असतो.
